هتنزلوا مع الفلول؟ ترضي تبقي واقف جمب توفيق عكاشة؟ ترضي تبقي واقف وجمبك واحد يتمني النظام القديم يرجع تاني؟ ترضي تقف جمب واحد بيقول أنا آسف يا حسني؟
سؤال بايخ من انسان بايخ
والإجابة كالتالي ..
أنا كـ طبيب لو داخل عندي جريح (فلول) أو اسرائيلي .. مش هعالجه؟؟؟؟؟
أنت كـ طالب لو دخلت محاضرة ولقيت طلبة (فلول) .. هتسيب المحاضرة وتمشي؟؟؟؟
بلاش يا سيدي
أنت كـ مسلم لو دخلت المسجد ولقيت (فلول) بيصلي .. هتسيب المسجد وتمشي؟
طبعا هتقولي لاااا .. الصلاة فرض وده مسجد ربنا
وأنا كمان يا سيدي نازل لأن النزول لمواجهة الحاكم الظالم فرض
ولو شاء الله و اتقتلت علي يد واحد من أنصاره أو جنوده هبقي شهيد بإذن الله
هتقولي مرسي مش حاكم ظالم ..
هقولك دي وجهة نظرك وانت حر فيها .. أنا بقي علي يقين انه ظالم وفاسد وكذاب ومنافق والله علي ما اقول وعلي ما بداخلي شاهد و وكيل
....................
وبعدين احنا ياما نزلنا نقول كلمة حق في وجه حاكم ظالم (اقصد المجلس العسكري) وانتو (الاخوان) كنتو معاهم (الفلول) علي الكنبة بتتفرجوا علينا علي التلفيزيون بنموت بالغاز والخوطوش وقنابل الفوسفور
(لو كنتو نسيتو اللي جري ....... )
....................
وبعدين يا سيدي انت مالك .. انزل مع العفريت حتي .. انت مااااااااالك بيّا !!!!
اوعي تكون خايف عليا او علي منظري ..
لا متخفش
خاف علي الريس بتاعك وولي نعمتك
وجماعته اللي ان شاء الله قريبا هتبقي فلول رقم 2
كمان أنا ذنبي ايه ان الناس كلها كرهتكو ..
................
الخلاصة .. إجابة السؤال الأول خالص (هتنزلوا مع الفلول)
أيوه هنزل مع الفلول او مع غيرهم .او مع العفاريت حتي
انا كده كده نازل واللي عايز ينزل يحصّلني
الميعاد 25/06/2013
المكان مياديين مصر كلها
